10 важни научни изуми зад кои стојат жени

Марион Донован – Пелени за една употреба

Марион работела како уредник во Harper’s Bazaar и Vogue, а била и изумител.

Откако се родила ќерка ѝ, таа сфатила колку биле проблематични памучните пелени за повеќе употреби и ѝ пречело што ѝ ја уништувале другата облека.

Па, користејќи само завеса за тоалет и машина за шиење, таа направила водоотпорен слој за првите пелени за една употреба.

Откако била одбиена од неколку продавници, Марион решила самата да почне да ги продава нејзините пелени во Њујорк. Во 1951-ва, идејата за нејзиниот изум била купена за 1 милион долари.

Темпл Грандин – Кутија за прегратки

Темпл била една помеѓу првите лица со аутизам кои јавно прозбореле за нивното искуство со нарушувањето. Интересно е што таа не била формално дијагностицира сè додека не наполнила 64 години.

Иако аутизмот ѝ претставувал и пречка, токму ова нарушување ја натерало Темпл да ја измисли „машината за прегратки“ - направа што ги смирува луѓето со аутизам.

Денес нејзиниот изум се користи во болници ширум целиот свет.

Нејзиниот придонес во разбирањето на невропсихологијата и аутизмот им помогна на многу луѓе подобро да го разберат ова нарушување.

Сели Фокс – Органски бои

Во доцните 1980-ти, Сели направила вистинска еколошка револуција во текстилната индустрија.

Откако дознала за штетата што ја предизвикуваат пестицидите, тогаш 12-годишната Сели решила да најде начин да ја намали нивната употреба.

Додека се обидувала да развие пченка што е поотпорна на штетници, таа налетала на вреќа семе за кафеав памук. По некое време, поради вкрстеното оплодување на семињата, почнале да растат и растенија со зелен памук.

Сели веднаш почнала да одгледува неколку корени кафеав и зелен памук, ги селектирала најздравите растенија и ги пресадувала секоја година.

Со текот на времето, таа почнала да расте 100% органски памук кој немало потреба да се бои со хемикалии.

Благодарение на нејзиниот труд, денес можеме да направиме памучна облека во речиси секоја боја, и тоа целосно природно.

Мери Фелпс Џејкоб – Модерен градник

Можеби во 1960-тите горењето на градниците беше симбол за феминизмот, но половина век порано, градникот беше измислен токму од феминистка.

Мери била активист за женските права, уредник и писател и стои зад модерниот градник.

Кога имала 19 години, Мери забележала дека јаката на фустанот што сакала да го носи откривал голем дел од нејзиниот корсет. Па, користејќи две шамивчиња, игла и малку конец, таа направила нешто што наликува на модерниот градник.

Кога сфатила дека ова е одличен изум, во 1914-та година таа го патентирала.

Хеди Ламар – Безжична комуникација

Иако Хеди е најмногу позната по нејзините филмски улоги во 1940-тите, важно е да се знае дека таа била и изумител.

Хеди често го придружувала нејзиниот сопруг на бизнис состаноци со научници и други професионалци за воена технологија. Токму овие состаноци ја запознале со применетата наука и го разбудиле нејзиниот интерес.

За време на Втората светска војна, Хеди научила дека кај торпедата контролирани со радио лесно можат да се појават пречки и да се преземе контролата над нив, па смислила „систем за тајна комуникација“.

На почетокот нејзината технологија имала само воени примени, а без неа денес не би постоеле WiFi, Bluetooth и GPS.

Спирова С. | Црнобело