92 дена во тоалет, 11 години пред екран - Колку време од животот трошиме на секојдневните обврски?

Вежбање

Иако времето во теретана ви трае цела вечност, реалноста е многу поразлична. Просечниот човек вежба само 1 година и 4 месеци во текот на целиот живот.

Време пред екран

Можеби кога „зјапате“ во вашиот телефон времето ви минува за миг, но и овојпат реалноста е поразлична.

Се покажало дека просечниот човек минува околу 11 години од животот гледајќи во екран.

Седење

Сите сме свесни за „епидемијата на седење“, а бројките се навистина загрижувачки.

Просечниот модерен човек минува дури 21 година од животот седејќи. Кога ќе го земете ова предвид, јасно е зошто инфарктите и мозочните удари се сè почеста појава кај младите.

Седење во тоалет

Се проценува дека 92 дена од нашиот живот ги поминуваме на тоалетната школка.

Интересно е што повеќето луѓе минуваат повеќе време од потребното во тоалет. Причината е што голем дел читаат весници или си играат игри додека се во тоалет. Но, овие навики можат да имаат лоши последици врз здравјето.

Чекање ред

Чекањето ред сигурно не ви е омилената активност, а ќе поминете дури 235 денови од животот правејќи го ова.

Па, можеби е време да си најдете занимација додека чекате во бескрајно долгите редици. На пример, можете да читате книга или да одговорите на некој мејл.

Миење заби

Препораката на заболекарите е да ги миеме забите 2 пати дневно, не пократко од 2 минути. Ова би требало да одземе околу 79 денови од нашиот живот.

Но според податоците, просечната личност минува само 19 денови од животот во оваа активност. Бидејќи неправилното миење на забите може да предизвика кариес, болести на непцето и лош здив, добро би било да посветите повеќе време на оралната хигиена.

Спирова С. | Црнобело