8 видови на луѓе на кои ќе налетате на новогодишна прослава

Новогодишната вечер еве каде е. Веќе никој не се притресува како порано, но на ден-два пред завршување на календарот решаваме да се организираме нешто.

Се тешиме демек не сме престари, па целиот ентузијазам да замине во ендек. И така, набрзина се прават најинтересни договори.

Се собираме со друштво, оној со свој стан го отстапува местото, нарачуваме скара, купуваме пиење, секој носи од дома што има, а сарми и руска заземаат посебно место. Некако се адаптираме со музиката и одеднаш секој си влага во посебен филм...

Во кое и друштво да погледнеме, сигурно ќе препознаеме некоја категорија на луѓе, кои се наведени во продолжение:

Најмногубројни се оние кои делат извештаи по социјални медиуми. Не пропуштаат ништо да споделат на Инстаграм стори, знаат сите каде се наоѓаат во моментот, со кого се, што прават и се трудат своето дремење на мобилен да го претстават како the best party ever.

Втората категорија на луѓе се тесно поврзани со првата и слободно може да ги наречеме селфи крал/кралица. 

Не споделуваат ништо што се случува наоколу, важни се само тие и никој друг. Па, затоа нивните профили се како агрегат на различни изрази на лице и осветлување.

На домашни прослави, често ќе налетате и на дремачот. 

Најчесто тоа е лик, кој ради реда дошол на забавата, секогаш е со извалкана чинија пред себе, сместен на најудобната фотелја и уште пред да се поклопат стрелките на часовникот, неговите очни капаци се виснати.

Тука ќе се смести и заљубениот пар, најчесто се седнати во некој агол со придушено светло.

Си шепотат на увце, се држат со раце, како некој од нив да треба да оди на гилотина. Ако нагло се исклучи музиката сите во собата ќе го слушнат звукот на нивното бацување.

Можеби напалените флертувачи се во најголем број. Ги има и од двата пола.

Посебно ќе ги повреди ако не завршат со некого во кревет откако забавата ќе заврши. Тоа го проценуваат како тежок удар од страна на животот.

Еве, ќе го потенцираме и мечтателот за втора половина. 

Не презема ништо со никого, сè дури не добие знак дека тоа е „неговата/нејзината сродна душа“.

Уште една категорија е последна мода на две нозе.

Самото име кажува, тоа е личност што претерано се грижи за својот изглед и не пропушта да ги оптоварува останатите со сите дребулии и модни додатоци што ги има на него/неа. И најчесто е во дречливи бои.

И како крајната категорија е здрав/а како дрен – персона што редовно вежба, внимава колку калории внесува дневно, а градбата на телото го гледа како нешто свето.

Небаре тоа е смислата на постоењето, а на сличен вид на забава, си носи посебно подготвена храна само за себе. 

Тука ќе ставиме точка.

Колку и да звучи стереотипно, ќе се согласиме дека секој од нас има блиска индивидуа, која одговара на некој од дадените описи.

Збава може да започне!

Автор: Х. Е. | Црнобело