Најдобрите оптички илузии за 2019-та година

Helix Rotation, Артур Г. Шапиро

Илузијата се состои од две колони точки кои се движат лево-десно. Движењето на точките наликува на 3-димензионална ротирачка спирала. Но, кога ќе ја „замаглете“ сликата, или кога ќе дефокусирате, ќе забележите дека спиралата се движи нагоре/надоле.

3D Graffiti, Џек Бауерс

Оваа илузија ќе ве натера да се посомневате во вашата перцепција. Од една страна, формата изгледа како совршен квадар, но кога се менува перспективата, се менува и целата форма.

Magic Tic-Tac-Toe, Џиани А. Сарконе

На оваа илузија се гледа табела за играта „икс-точка“. Позадината е зелена, а полињата се одделени со розови линии.

Навидум, целата позадина има иста боја, но кога ќе се тргнат линиите, ќе забележите дека позадината има две нијанси.

The Chunder Thunder Illusion, Мајк Пикард и Груприт Синг

На оваа илузија е претставена слика од 17-тиот век и изгледа како брановите, бродот и облаците да се движат. Но, ова движење што го перципираме е само илузија.

Ambiguous Cardboard Arrows, Мет Причард

Кога ја гледате оваа „направа“ од една перспектива, изгледа како да се состои од стрелки свртени кон лево. Но ако ја гледате во огледало, изгледа како стрелките да се свртени кон десно. 

Спирова С. | Црнобело