3 митови за креативноста што ве ограничуваат

Креативноста е една од квалитетите што често се споменува во деловниот контекст, а се припишува само на „одредени“ лица. 

Дури и луѓето што постигнале големи успеси во својата област се сомневаат во себе и нивниот начин на размислување. Колку пати сте мислеле дека не сте доволно креативни и имагинативни и дека на некои луѓе им е полесно да постигнат нешто за разлика од вас?

Ова ни се случува на сите и затоа добиваме погрешна слика за креативноста како митска особина. За да го промениме тоа, треба да бидеме свесни за одредени заблуди.

Ова се 3 митови за креативноста што ве ограничуваат:

Креативноста е наследна

Многу луѓе погрешно претпоставуваат дека креативноста е наследна и дека, ако не ја добиете генетски, не можете да ја поседувате. Ова не е точно. Ако верувате во ова, само ќе се обесхрабрите од некои потенцијално успешни обиди и активности.

Креативните идеи се секогаш оригинални

Ова е особено точно во деловниот свет, каде што оригиналните идеи се многу важни. Сепак, не сите славни креативни идеи се апсолутно оригинални и уникатни.

Честопати се случува луѓето да го преземат веќе постојниот концепт и да го подобрат на поинаков начин. Дури и Јохан Гутенберг ја искористил постојната идеја и ја преработил за неговата техника на печатење.

Ова значи дека вие самите можете да бидете инспирирани од нешто што веќе постои и да го зајакнете истото на свој начин.

Креативноста се јавува само во еден краток момент

Сигурно сте слушнале дека Бенџамин Френклин и Моцарт имале неверојатни и уникатни моменти на инспирација што довеле до значајни последици. Верувањето дека генијалните идеи се резултат на некое натприродно влијание и момент е познато како „Еурека мит“.

Ако ја следиме оваа политика, лесно може да ги одложиме добрите идеи, затоа што чекаме да нè удри моментот на инспирација. Во реалноста, креативните идеи потекнуваат од размислување и промена на идеите што ги имаме.

Ашера | Црнобело