Лалибела - 11 цркви издлабени во камен во Етиопија

Етиопија е посебна земја и навистина вреди да се истражува. Меѓу прекрасните атракции се наоѓаат и 11 цркви издлабени во камен, кои потекнуваат од 13 век. 

Денес се на листата на светско наследство на УНЕСКО, а ова е нивната приказна.

Лалибела е место каде се одвиваат многу аџилаци, а го носи името по етиопскиот Лалибела.

Лалибела станал светец во етиопската црква, а приказната според која кралот и ова место го добиле своето име е мошне интересна.

Мајката на кралот случајно пронашла рој пчели што кружеле над неговиот кревет, кога тој сè уште бил дете. Инспирирана од ситуацијата, се сетила на едно старо верување според кое животните можат да ја предвидат иднината. Пчелите навестиле дека момчето ќе стане цар.

Интересно е што името Лалибела во превод значи пчела.

Лалибела немал лесен живот - се расправал со неговиот чичко Татадим и неговиот брат. Односите им биле толку ладни, што двајцата решиле да го отрујат Лалибела.

Според легендата, откако го испил отровот, ангелите го однеле на небото, каде што видел „град“ од камени цркви. Тогаш Бог му рекол да го направи на Земјата она што го видел на небото.

Три дена подоцна, Лалибела се разбудил и му кажал на семејството за божјата наредба. Кога им соопштил на работниците дека треба да ги издлабат црквите од камен, му рекле дека е луд. Но, Лалибела не отстапувал, па тие се фатиле за работа. 

Се верува и дека кога работниците спиеле, навечер ангелите продолжувале со изградбата.

Многу верници кои прават аџилак веруваат во тоа. Црквите можете да ги видите денес како што и настанале, во нивната природна средина.

Ашера | Црнобело