Како да го спречите дебелеењето на работното место?

Работата може да биде полоша од студентските денови, кога станува збор за зголемување на телесната тежина. 

Скоро половина од оние кои работат во канцеларија велат дека се здебелиле кога почнале со работа.

Доколку оовј проблем ви е добро познат, погледнете кои се најчести виновници за ова, но и кои се наједноставните решенија:

Колегијалност и брза храна

Речиси третина од вработените кои се на диета велат дека нивните колеги ги охрабруваат да јадат повеќе и да изберат брза храна. А, бидјеќи во канцеларија немате услови за готвење, јадењето брза храна изгледа оправдано.

Решение: Знаевте ли дека јадеме двојно повеќе ако храната се наоѓа во нашето видно поле? Затоа, седнете подалеку од храната за време на состанокот и избегнувајте ги местата на кои се продава брза храна.

Втора стратегија: Планирајте однапред со што ќе се наградите доколку ѝ одолеете на брзата храна. Еден хамбургер неделно нема да ви направи штета.

Ручате со колегите

Кога сме во друштво, во просек јадеме 30 проценти повеќе храна. Често земаме и десерт, иако не сме гладни. Патем, зборувајќи со колегите, дури не ни забележуваме што и колку јадеме.

Решение: Подгответе сопствен ручек дома и потоа јадете го во друштво. Ако одите во ресторан, одберете поздрав оброк од менито.

Јадете кога сте под стрес

Четвртина од вработените ја оцениле работата како најголема причина за стрес. Кога сте под стрес, телото ослободува хормони кои го зголемуваат апетитот, а со тоа и желбата за покалорична храна.

Уште полошо, овој ефект не завршува кога ќе ја напуштите канцеларијата.

Решение: Почесто правете паузи, особено ако имате напорен и стресен ден. Ова ќе ви помогне да останете избалансирани и полесно ќе се опоравите од напнатоста. Обидете се да слушате релаксирачка, медитативна музика.

Ако сакате здрава закуска, земете коцка или две темно чоколадо.

Ашера | Црнобело