Науката потврди - Човечкиот карактер целосно се менува со годините

Повеќето луѓе би сакале да заборават на некои одлуки што ги донеле во своите тинејџерски години - од изборот на модниот стил, па сѐ до првата симпатија. „Што мислев?“ е прашање што ќе им се наметне на многумина. 

Научниците откриле дека времето не само што носи промени, туку навистина го менува и човечкиот карактер.

Еднаш интроверт, секогаш интроверт?

Дури и да сте биле доста повлечени како тинејџер, сепак постои шанса да станете вистински екстроверт на постара возраст.

Во истражувањето кое траело цели 63 години, Метју Харис и неговите колеги од Универзитетот во Единбург откриле дека луѓето имаат значително различен карактер за време на адолесценцијата и во староста.

Нивното истражување започнало во 1950 година со група од 1.209 14-годишни деца, кои биле следени во текот на животот. Истражувањето завршило во 2012-та, кога испитаниците имале 77 години. Па, што се случило во меѓувреме?

Многу, многу промени.

Тинејџерите требало да ги оценат сопствените карактеристики, како самодоверба, стабилност на расположението, свесност, оригиналност, желба за учење...

Како постари луѓе, повторно ги одговарале истите прашања, а научниците откриле дека скоро и да нема поврзаност помеѓу тоа што порано биле и тоа што се денес. Станало јасно дека тие се како нова личност.

Полека стануваме други личности

Истражувањето сугерира дека колку е подолг временскиот интервал, толку е послаба врската помеѓу она што бевме и она што сме сега. Промените во личноста се резултат на многуте луѓе, искуства и настани од животот.

Но што точно се случува зад сето ова? Кој е главниот „виновник“ за овие промени?

Темата е толку индивидуална што, едноставно, нема генерален одговор, објаснуваат научниците. Изгледа секој се менува според искуствата што ќе му ги приреди животот.

Ашера | Црнобело