„Породилното отсуство не е одмор“ - Жените споделуваат кои „женски“ стереотипи ги мразат најмногу

„Го мразам стереотипот дека сите жени сакаат или мораат да имаа деца. Или, дека жените кои не се мајки не знаат како да се однесуваат со деца. Не, јас само сакам да имам финансиска стабилност и не сакам да чувам дете.“

„Мразам што сите мислат дека обврските во домот се само женска работа.“

„Не ми се допаѓа што многумина мислат дека породилното отсуство е одмор. Ако некогаш сте бремени и се соочите со сите промени низ кои минува телото тој период, ќе сфатите дека породилното е период за закрепнување, а не одмор. Обидете се да одите на работа со рана од царски рез, додека се грижите за мало бебе кое треба да се храни на секои 2-3 часа.“

„Не ми се допаѓа мислењето дека изгледот им е најважното нешто на жените, па затоа трошат толку време за тоа.“

„Не го сакам мислењето дека сè што правиме е за да ги привлечеме мажите. Од носење одредена облека, до шминкање, жените се обвинети дека го прават ова само за да привлекуваат мажи.“

„Речиси никогаш не можеме да ги покажеме нашите емоции бидејќи веднаш ќе нè обележат како луди, хистерични, ирационални или драматични.“

„Луѓето се убедени дека никогаш не го кажуваме она што го мислиме.“

„Не ми се допаѓа тоа што ако една жена е феминистка, другите веднаш сметаат дека ги мрази мажите.“

„Мразам што ние жените сме под притисок да го отстрануваме секое влакно од нашите тела.“

„Поради некоја причина, сите мислат дека не сакаме нашите партнери да излегуваат со пријателите и дека очекуваме да бидат постојано со нас.“

Спирова С. | Црнобело