5 работи кои може да ги направите додека чекате да зоврие водата за чај

Времето кое го „губите“ чекајќи да зоврие водата за чај или пак кесичката добро да се промеша со водата, може да го искористите многу попаметно.

За сите оние на кои им фалат „барем уште 5 минути време“ во секоја дадена ситуација, односно кои мразат да губат време, можат да направат 5 работи во тие празни минути.

Масажа на лицето

Ритуалот за опуштање бара само малку крема, чисти раце и кружни движења по лицето и вратот. Нема точен и погрешен начин.

Кратка медитација

Ако сте почетник и никако не наоѓате време во денот кога може да се посветите на медитацијата, ова е добар начин. Пуштете музика или кратка водечка медитација и опуштете ги мислите барем на 5 минути.

Нега на рацете

Со оглед на тоа што миењето на рацете ни стана опсесивно компулсивна навика, нивната нега со кокосово масло или хидратантна крема значи многу.

Ислушајте и изиграјте една песна

Пуштете ја песната која во моментов ви го придвижува телото и заиграјте 3-4 минути низ кујната. Ќе сфатите колку ваквите ситници ве прават посреќни.

Напишете план за тековниот ден

Водете дневник со потточки, односно секоја потточка нека биде една обврска која сакате да ја завршите во текот на денот. За ова не ви требаат повеќе од 5 минути, таман колку што имате.

М. Д. | Црнобело