Моќта на првото велигденско јајце – зошто јајцата вапцани во четврток пред зори не се расипуваат со денови?

Велики четврток, четвртиот ден од т.н. „Страдална недела“ од исусовиот живот е денот наменет за вапцање на велигденските јајца. 

Според обичаите, прво се вапцале 3 јајца, а потоа и останатите. Првото јајце е наменето за Господ, уште наречено и „господово јајце“, второто за главата на семејството, а третото за бериќетот на домот.

Јајцата задолжително мора да се вапцаат пред да изгрее сонцето. Се верувало дека доколку тоа се направи подоцна, јајцата ќе засмрдат. Доколку се обојат пред да го видат сонцето, верувањето вели дека не се расипуваат со денови и недели.

Откако велигденските јајца се подготвени, рано и, секако, пред изгрејсонце, домаќинката го земала првото, господово јајце и додека децата уште биле во своите креветчиња, им ги поминувала лицата по 3 пати со јајцето, повторувајќи: „Црвено, бело, дебело, здраво и живо“, што значи дечињата да се дебели како јајцето, но и црвени во образите, што симболизира здравје и напредок.

(О)Милена | Црнобело