Заповеди на спалната соба (1)

Сингл филозофијата на животот во голема мера е прифатена, особено кај нас. Жените тоа го гледаат малку поинаку, но и тие не се имуни на трендот...

 

...на самостојноста. И не е тоа само помодерен назив на нешто што се нарекувало „ момачки живот“. Современиот маж е апсолутен господар на својот простор кој, како таков, во секој момент го презентира.

Архитектите, дизајнерите и стилистите задоволно тријат раце, бидејќи е важно на време да се продадат кулисите за новиот животен стил.

Жените кога ќе наминат во вашето мало царство, ќе ви простат понекоја неизмиена чинија или лежерно префрлена тренерка преку фотеља во дневната соба, но во спалната соба преферираат – перфектност. Тоа е местото каде што тие настапуваат.

Во ред, под налетот на страста понекогаш и не се стигнува до спалната соба. Тогаш фокусот е еден кон друг, но кога се зборува за заведување чекор по чекор, кога сакате да се преставите во најдобро светло, задолжително тестирајте го мирисот на вашата постелнина.

Немојте да се двоумите затоа што жената ќе го стори тоа наместо вас, а може и да не биде воодушевена. Не е дозволена немарност кога се жените во прашање. Што значи тоа?

Најпрво - на гардеробата местото и е во плакарот, а не секаде наоколу. Замислете ја сцената во која таа се сопнува од вашите патики за трчање (број 44) и паѓа директно на кревет, што и не е така лошо, но бидејќи денес има се помалку спонтаности, тешко дека тоа принудно слетување ќе и се допадне. Пред се ќе биде спротивното.

Иако повеќето мажи ќе се насмеат на списокот „опасни ситници во спалната соба“, искусните заводници се свесни за нивната важност.

Затоа гостинката во нивното кралство ќе ужива во постелнина од црн сатен. И ќе се чувствува баш така – како кралица. Впрочем, тоа и била првобитната намера кога сте ја повикале да преноќи кај вас.