5 работи за кои жалат луѓето на смртна постела

Брони Вер е британска медицинска сестра која се грижи за луѓето во последните денови и недели од нивните животи и раскажува дека обично сите се каат за 5 слични работи на смртната постела.

 

Таа во својата книга „5 работи за кои најмногу жалиме кога умираме“ ги раскажува кои се суштинските грешки кои ги правиме во текот на животот.

1. „Би сакал да имав храброст да го живеам животот како што јас сакав, а не како што очекуваа другите од мене“.

Повеќето од луѓето ги немаат исполнето ниту половина од своите соништа. Здравјето навистина ни ја дава слободата за која не сме свесни сѐ додека не го изгубиме.

2. „Посакувам да не работев толку многу и да имав повеќе време за семејството“.

„Ова ми го има кажано секој машки пациент кој сум го негувала. Го пропуштиле растењето на децата, одвоени од сопругите... и жените знаат да жалат за оваа одлука, но најчесто ова е случај кај мажите“ – вели сестрата Вер.

3. „Посакувам да имав храброст да кажам како се чувствувам“.

Многу луѓе ги потиснуваат своите емоции само за да не предизвикаат расправија со другите. Многумина се разболуваат заради огорченоста и чувствата кои ги мачеле со години.

4. „Барем да останев во контакт со пријателите“.

Најчесто вредноста на пријателството ја сфаќаме малку доцна.

5. „Посакувам да бев свесен за сопствената среќа и да уживав во неа“. 

Стравовите се оние кои не кочат во животот да ги правиме вистинските чекори. Уживајте во животот и живејте го секој ден како последен.

Е. П. | Црнобело