На што најмногу обрнуваат внимание цариниците на аеродром кога го проверуваат багажот?

Луѓето кои се одговорни за проверка на патниците се како вистински детективи – тие не само што ви го проверуваат багажот, туку мораат да обрнат внимание и на вашиот говор на телото, со цел да откријат дали има нешто сомнително.

А, имаат само 2-3 минути да оценат дали некоја личност претставува потенцијална закана. Тие најчесто обрнуваат внимание на облеката што ја носите и неколку невербални знаци кои често се појавуваат кај луѓето кои кријат нешто.

Се разбира, не значи дека секој што ќе направи некој од „сигналите“ е криминалец, но ова им помага да одредат кои патници се потенцијална опасност.

Во продолжение погледнете на што најмногу обрнуваат внимание:

Дали постојано ја допирате вашата торба

Ако неколкупати ја проверите торбата без да извадите нешто, нормално дека ќе изгледате сомнително. Обично луѓето се однесуваат вака кога се нервозни или кога кријат нешто, па цариниците го гледаат ова како сигнал.

Често трепкање и проѕевање

Понекогаш и честото трепкање и проѕевање можат да ја издадат личноста која крие нешто.

Бидејќи поголемиот дел од комуникацијата е невербална, ова однесување открива многу за патникот.

Триење на дланките

Кога сме под стрес, нашите дланки се потат, па ако криете нешто во багажот веројатно ќе го искусите ова.

А, кога ни се испотени дланките, најчесто ги триеме едни од други и ова е гестикулација што покажува дека патникот можеби крие нешто.

Прекрстени раце

На овој начин луѓето се обидуваат да се оттргнат од несаканото внимание. Прекрстувањето на рацете е знак дека личноста не сака да разговара, па затоа и ова е сигнал што го привлекува вниманието на цариниците.

Стегнати усни и муртење

Изразите на лицето се менуваат често и откриваат многу за нашите чувства. Ако патникот крие нешто, ќе биде под стрес и најверојатно ќе ги стегне усните или ќе има намуртен израз на лицето.

Истовремено, овие изрази покажуваат и дека некоја личност е гневна, што значи може да предизвика потенцијални проблеми.

Продолжува на следната страница...