На што најмногу обрнуваат внимание цариниците на аеродром кога го проверуваат багажот?

Фризури, украси за коса, накит

Ако сте летале со авион, знаете дека треба да ги извадите сите метални предмети пред да поминете под детекторот. Затоа, цариниците обрнуваат внимание на вашиот накит, но и на украсите за коса.

Ако, на пример, имате комплицирана фризура, веројатно ќе ве натераат да извадите сè од косата, за да се осигурат дека нема да шверцувате ништо.

Карго панталони, фустани, здолништа

Ова е веќе очигледно – под оваа облека лесно можете да скриете секакви работи, па цариниците обрнуваат внимание на неа.

Доцнење и брзање

Понекогаш, доцнењето е трик што го користат луѓето кои сакаат да шверцуваат нешто – бидејќи се во брзање, се надеваат дека цариниците нема темелно да ги проверат.

Како одговарате едноставни прашања

Цариниците не ве прашуваат каде одите и зошто бидејќи се љубопитни, туку ги интересира како ќе одговорите.

Неретко, луѓето кои кријат нешто стануваат нервозни и на најобичните прашања, а ова им дава сигнал на цариниците да внимаваат на нив.

Што имате во куферот

Ова веќе го знаеме сите, но цариниците обрнуваат внимание и на тоа дали содржината на куферот се совпаѓа со она што го кажувате. Ако, на пример, одите на летен одмор, нормално е во куферот да имате костими за капење, креми за сончање и слично.

Понекогаш, на овој начин одредуваат дали треба да направат дополнителна проверка на куферот.

Погледнете и Психологија на патници: Како ве проценуваат стјуардесите уште при влез во авион?

Спирова С. | Црнобело