Психологија на патници: Како ве проценуваат стјуардесите уште при влез во авион?

Проверката на авионските патници не завршува откако ќе се качите во авионот.

Всушност, дури откако ќе влезете внатре, стјуардесите ве анализираат и се обидуваат да извлечат некаков заклучок за вас. Односно, се обидуваат да одредат дали сте примерна личност, или патник кој можеби ќе прави проблеми.

Постојат неколку параметри според кои стјуардесите ги оценуваат патниците, а следниве се најчестите:

Поздравување

Стјуардесите ги поздравуваат сите кои се качуваат во авионот. Притоа, обрнуваат внимание кој ќе им врати на поздравот.

Доколку патникот не ги поздрави, тогаш стјуардесите нема да го земат предвид ако е потребно некој од патниците да укаже помош во итна ситуација.

Причината е што кога патникот ќе им врати на поздравот, со тоа покажува дека е пријателски настроен и веројатно би се согласил да помогне во каква било ситуација.

Гледање во очи

Стјуардесите забележуваат и дали сте ги погледнале во очи или го избегнувате нивниот поглед.

„Филозофијата“ зад ова е едноставна – луѓето кои погрешиле или направиле нешто лошо, обично го избегнуваат туѓиот поглед.

Ова не значи дека ако не ги погледнете во очи веднаш ќе бидете осомничени. Едноставно, стјуардесите само забележуваат дека најверојатно сте вознемирени поради некоја причина.

Бледо лице и црвен нос

Ако имате бледо лице, црвен нос или, воглавно, изгледате болно, стјуардесата може да ве праша за вашата здравствена состојба.

Причината е спречување на ширењето болести помеѓу патниците, но и државата во која ќе слетате.

Истовремено, доколку имате каков било здравствен проблем, стјуардесите би сакале да знаат, бидејќи веројатно ќе треба да ви обрнат повеќе внимание.

Продолжува на следната страница...