Новите ѕвезди на Nevergrin

Заврши регионалниот натпревар на Кокта -  „Невергрин“ во чиј склоп меѓународното жири (Александар Радивојевиќ, Елла Дворник и...

 

...Сергеј Трифуновиќ) одбра 6 талентирани млади луге кои ке настапат во новата телевизиска реклама на Кокта и веб серијалот Невергрин.

Димитар Цветковски од Неготино е една од новите ѕвезди на брендот „Кокта”. Ова талентирано момче по пат на регионалната аудиција организирана од креативниот тим на компанијата доби ексклузивна мозност да биде новото лице во телевизиската реклама и веб серијалот „Невергрин”.

- Кога првпат слушнав за аудицијата помислив дека тоа е нешто интересно кое вреди да се проба. Како помлад учествував во неколку театарски претстави на мојот татко, но оттогаш не сум глумел. Аудицијата ми изгледаше како вистинска прилика да се присетам на глумата - вели Димитар и додава дека неговото главно оружје за победа е креативната интерпретација на зададениот лик и комплетното соживување со него.

Ова 21- годишно момче го глумеше замислениот лик Кафка и со тоа ги воодушеви фејсбук корисниците и жирито и доби ретка прилика да го вкуси светот на шоу бизнисот, како и да стане регионална телевизиска ѕвезда.

- Кафка ме заинтригира уште од самиот почеток. Ми се допадна описот на неговиот карактер со кој можам да кажам дека се поистоветувам. Сакам да дебатирам, да изразувам свое мислење, едноставно се препознав себеси во него - додаде Цветковски.

Одзивот на регионалниот натпревар се покажа како повеќе од успешен. Младите луѓе желни за слава на веб страната cockta.eu пријавија повеке од 410 видеа, а на двете аудиции во Белград и Загреб учестуваа преку 400 пријавени. Компанијата на својот фејсбук профил привлече повеќе од 107 илјади пријатели од регионот, додека официјалната веб страна на „Кокта” ја посетија 108 илијади корисници.

- Тимот на „Дрога Колинска” е навистина задоволен од одзивот на младите луѓе од регионот. Драго ни е што го привлековме нивното внимание и активно што ги вклучивме во градењето на брендот „Кокта”. Нашата кампања се темели на нова енергија и свежина, а повратните информации кои досега ги добивме за кампањата само ни потврдија дека чекориме по вистинскиот пат - изјави Росана Турк, регионален бренд менаџер на „Дрога Колинска” по повод завршувањето на регионалниот наптревар.

Телевизиската реклама се очекува да се емитува во следните шест месеци, а во неа главни ликови ќе бидат шесте вампири - финалисти Алиса (Нена Ивановиќ), Алонсо (Ненад Никшиќ), Ројал (Никола Недиќ), Гринго (Иван Пасалиќ) и Кафка (Димитар Цветковски) кои ќе делуваат во замислениот град Невергрин.