Како да откриете лажговци?

Сите ние барем еднаш во животот сме излажале. Лажењето е начин на кој сакаме да избегнеме одредена санкција, било да станува збор за работата...

...или пак партнерот, семејството и пријателите. Но, со говорот на телото и однесувањето многу лесно може да се открие кога некој лаже.

Дознајте ги триковите кои ќе ви откријат кога некој лаже:

Говорот на телото. Говорот на телото е најчест показател на лагата. Личноста која кажува невистина избегнува контакт со очите и често при разговорот погледот го врти на страна. Многу чест говор на телото се и скрстените раце што симболизира одбрамбен став. Истото важи и за нервозното триење на дланките и движење низ просторијата.

Недоследност на приказната. Колку и да е добро испланирана лагата, таа секогаш е „шуплива“. Најчести грешки има во деталите при прераскажувањето, како на пример времето кога нештото се случило. Со бројни прашања за местото и времето и слични детали многу лесно можете да утврдите дали соговорникот ве лаже или не.

Нервоза. Нервозата е еден од првите знаци на лагата. Лажењето е стресно, а ако ја познавате личноста која што ве лаже, многу лесно можете да ги препознаете првите знаци на непријатност како што се потење, проширени зеници, промена на тоналитетот, или брзината на зборувањето.

Дефанзивно однесување. Лажговците често користат напад како одбрана. Започнувањето на караница и барањето на виновник е најчеста реакција, особено ако почнете со подпрашања, а личноста која нешто крие не ги знае одговорите.

Интуиција. Интуицијата често пати се занемарува, но ако почувствувате дека личноста со која разговарате звучи и изгледа чудно, немојте да ја занемарите способноста на своето запазување, туку обидете се да дознаете зошто ве мачи такво чудно чувство.