Зошто Финците пијат дупло повеќе кафе од сите останати луѓе во светот?

Кога ќе помислите на ладната Финска, сигурно кафе не е првата работа која ви паѓа на памет. Можеби ве асоцира на поларна светлина, сауни и ирваси, но после ова дефинитивно и кафето ќе го додадете на листата.

Според светската организација, се смета дека Финците пијат околу 12 килограми кафе по лице на годишно ниво.

Зошто? Која е поврзаноста помеѓу овој пијалак и жителите на Финска?

Постојат повеќе објаснувања, дел од нив го прифаќаат како дел од културното однесување, додека дел се поврзани со временските услови.

Повеќето луѓе во Финска пијат 5 до 8 шолји кафе на ден. Го пијат заедно со секој оброк. Кога ќе ви се понуди кафе во Финска, не е културно да одбиете.

Таму постојат повеќе различни зборови и изрази за кафе кое се пие во одредени ситуации, односно служи како повод луѓето да се видат едни со други.

Ова се дел од нив:

• aamukahvi (утринско кафе)
• päiväkahvi (дневно кафе)
• iltakahvi (попладневно кафе)
• saunakahvi (кафе во сауна)
• läksiäiskahvit (кафе за испраќање)
• mitalikahvit (победничко кафе, кога некој ќе победи во нешто)
• matkakahvi (патувачко кафе)

Се смета дека и поради долгите, темни денови во Финска, кафето им е потреба на луѓето за да останат будни и фокусирани.

Исто така, не се чудете ако среде некоја прослава доцна навечер во Финска биде послужено кафе.

М. Д. | Црнобело