Што би рекол Фројд за луѓето што објавуваат селфи фотки?

Селфито, како збор, влезе во употреба во 2013-та година. Но, овој вид на фотографија потекнува од 1839-та година, а првото селфи го направил Американецот Роберт Корнелиус.

Факт е дека, овој феномен, со сигурност би му го привлекол вниманието на Сигмунд Фројд, творецот на психоанализата.

BBC вели дека Фројд најверојатно би тврдел дека луѓето објавуваат селфи не затоа што се заљубени во себе, туку затоа што сакаат сите други да се заљубат во нив.

Многу од неговите пациентки од виенските високи друштва пателе од „хистерична парализа“, односно биле неспособни да одат, без никаква физичка причина. Фројд сметал дека само барале внимание.

Фројд тврдел дека самозаљубеноста е сосема природна, но потсетува и дека истото може да се претвори во психолошко пореметување кога некој толку многу се сака себеси, што ги исклучува сите останати.

„Ако наместо да објавувате селфиња на социјалните мрежи се насочите кон  пријателите, можеби нема да добиете онолку лајкови колку што сакавте, но ќе го добиете „одобрувањето“ од Фројд и тоа би требало да ви биде доволно“ – пренесува BBC.

Резултатите од тестирање на нарцизмот кај луѓето:

1. Нарцисите се вообичаено поактивни на социјалните мрежи.

2. Прикачувањето селфи фотографии се поврзува со преголема самозаљубеност.

3. Жените се вообичаено помалку склони кон нарцизам од мажите, иако имаат повеќе селфи фотографии.

Е. П. | Црнобело