Никој не ја видел од 2019-та - каде е љубовницата на Путин, Алина Кабаева?

Алина Кабаева е гимнастичарка по потекло од Узбекистан, а ја нарекуваат и „тајната прва дама на Русија“ затоа што се смета дека повеќе од 10 години е во врска со Путин.

Кабаева (37) не е видена во јавност од 2018-ма година кога била во вториот месец од бременоста, а се шпекулира дека во април 2019-та родила близнаци во една клиника во Москва. Се верува дека токму 30 години постариот Путин е татко на децата.

Алина е една од најуспешните руски гимнастичарки во историјата. Започнала да се занимава со ритмичка гимнастика на свои 3 години. Таа има освоено две златни медали на Олимписки игри, 14 медали на светски првенства и 25 медали на првенства во Европа.

Откако се повлекува од спортот, станува член на партијата на Путин.

Неодамна работела како директорка на „National Media Group“, но последнава година никој не и ја знае трагата.

Алина, пред наводната врска со Путин, била верена за политичарот Давид Муселијани во 2004-та година, но романсата завршила една година подоцна.

"The Moskovsky Korrespondent" ја пренеле веста за раѓањето на близнаците, но потоа ги избришале сите податоци.

Владимир Путин се разведе од сопругата Људмила во 2013-та.

Се шпекулира дека со Кабаева освен близнаците имаат и заеднички син роден тајно во Швајцарија.

Во 2017-та Кабаева се појави со провокативен прстен на вереничкиот прст кој се обидуваше да го сокрие од папараците.

Путин на неколкупати е фатен со мистериозна жена во автомобилот, обидувајќи се секогаш брзо да ја затвори вратата.

Каде се наоѓа Кабаева во моментов останува мистерија и уште една добро скриена руска тајна.

Прочитајте и: Најстарата ќерка му е „проблематична“, има тајно дете: 15 факти за семејството на Путин

Е. П. | Црнобело