Пар доби близначиња со различна боја на кожата: „Бевме уморни и прво не забележавме, следниот ден се шокиравме“

Кејли и Џордан неодамна станаа родители на близнаци со различна боја на кожата - едното ги наследило гените на мајка си, мулатка која потекнува од мајка Англичанка и татко Нигериец, а другото на татко си, кој е со темна боја на кожата.

Кејли е мулатка која потекнува од мајка Англичанка и татко Нигериец, а нејзиниот сопруг Џордан е со темна боја на кожата. 

Неодамна парот доби близначиња, но она што ги изненадило сите е тоа што двете дечиња изгледаат потполно различно – едното има темна кожа, како татко си, а другото светла, како мајката. Момчето, Јазија, има светла и права коса, додека неговата сестра Најла има црна, густа и виткана коса.

„Навистина е неверојатно што тие имаат и потполно различни карактери, иако се едвај четири месеци стари“, вели нивната мајка.

Породувањето на Кејли било долго и тешко, па таа и сопругот не ја ни забележале разликата помеѓу нивните деца на почетокот. Штом се породила, Кејли само заспала и дури следниот ден со Џордан сфатиле дека нивните близначиња се навистина уникатни.

„Се породував долго и за малку требаше да ми прават итен царски рез. Откако се родија, само ги погалив и заспав веднаш. Бев преморена, а исто и Џордан. Се шокиравме кога следниот ден видовме колку се различни.

Никогаш не замислувавме дека едното ќе биде како него, а другото како мене. Дури и медицинските лица што се грижеа за мене беа восхитени, бидејќи досега немале видено ништо такво“, вели Кејли.

И покрај различната боја на кожата, Кејли вели дека двете близначиња имаат некои исти карактеристики. На пример, и двете дечиња имаат темнокафеави очи.

Кејли има четири други деца, од врска со друг маж, кои веднаш се вљубиле во новите членови на семејството.

„На близнаците никогаш не им недостасува внимание. Никогаш не им е здодевно бидејќи околу нив постојано има луѓе кои сакаат да си играат“.

Шансата да се родат близнаци со различна боја на кожата заради различната етничка припадност на родителите, како со случајот на Кејли и Џордан, се многу мали - една во милион.

Обично, кога родителите имаат различно потекло, децата се комбинација од нивните гени. Во некои ситуации, преовладуваат гените на едниот родител, па децата повеќе ќе личат на него. Но, навистина е неверојатно кога доминираат гените и на двајцата родители, па се раѓаат близначиња со сосема различна боја на кожата.

Спирова С. | Црнобело