3 работи кои вашата сингл пријателка во 30-тите сака да ги слушне

Кога си сингл, тоа е твој избор, но со тој избор си доаѓаат и ред работи кои не сакаш да ги слушнеш.

Од прашањата „Дали го најде посебниот?“ до заклучоците „Кога свадба? Немаш уште многу време...“ - на многумина им е преку глава.

Сепак, постојат одредени реченици кои секоја сингл жена во 30-тите сака да ги слушне од својата најдобра пријателка, а не се горенаведените.

1. „Имаш отворена покана“

Ова се однесува дури и на собирите „во парови“ каде сингл пријателката може да се почувствува како „некомплетна“ ако дојде сама.

Ако моментално нема партнер или дете, не значи дека не може да се радува на твојата среќа или пак, дека нема да се снајде во друштвото. Само, однесувајте се сите како едно друштво за да не се чувствува како да пречи. 

2. „ Како си?“

Покажете дека вистински се грижите за нејзиното физичко и ментално здравје, дека ви е важна нејзината среќа, без притоа да ја врзувате со друга личност. Преку глава ѝ од сите да ги добива истите прашања за партнерот, па ќе ѝ значи ако од вас слушне дека ви значи нешто повеќе од таа тема за неа.

3. „Ајде да прославиме заедно“

Научете да ги славите ситниците кои ѝ се случуваат на неа. Тоа што некој не ја запросил, тоа што не се венчала или не родила дете не значи дека нема што да прослави. Забележувајте ги важните моменти во нејзиниот живот и прославете ги. 

М. Д. | Црнобело