Азиски бонтон на маса: Грешки кои не смее да ги правите со стапчињата за јадење

Она што за Европејците е гласното сркање или држењето на лактите на масата, би било забодувањето на стапчињата во чинијата со ориз, кога гледаме од аспект на (не)културни манири.

Кога јадете со стапчиња, ова се 9 грешки кои не смее да ги правите од различни причини:

1. Забивање на стапчињата

Никогаш не ги забивајте во храната и не ги оставајте да стојат исправено. Ваквата нивна поставеност симболизира смрт.

2. Секој од својата чинија

Иако азиската храна доаѓа во милион мали чинии, секогаш од нив ставете прво во својата чинија, па потоа јадете. Никогаш не ги брцкајте стапчињата во заедничкиот сад.

3. Пробивање на храната

Азиската култура не дозволува пробивање на храната со стапчето. Односно, парчето месо не треба да го наденувате на стапчето, туку нежно да го фатите од страните со приборот.

4. Прекрстени стапчиња

Кога „одмарате“ од јадење, никогаш не ги оставајте стапчињата поставени во Х.

5. Секогаш во пар

Што и да јадете, никогаш не го правете тоа само со едно стапче. Распарот стапчиња во Азија се сметаат за несреќа.

6. Нема додавање

Храната никогаш не ја додавајте од вашите стапчиња на туѓите и обратно, во воздух. Ова се поврзува со будистички погребен ритуал.

7. Свирење на тапани со нив

Тропањето по масата со стапчињата како да свирите тапани е крајно некултурно.

8. Држење со устата

Стапчињата никогаш, ама баш никогаш не смее да ги придржувате со устата. Најдобро е да ги спуштите во чинијата.

9. Не ги „мијте“ стапчињата

Ако ви се залепи храна, најдете друг начин како да ја одлепите. Миењето со течноста која ви е при рака се смета крајно непристојно.

М. Д. | Црнобело