Што открива омилената положба на спиење за вашиот карактер, а што за вашето здравје?

Минуваме речиси третина од нашите животи во спиење, па нормално дека начинот на спиење ќе има влијание врз многу аспекти од нашето секојдневие.

Досега се направени илјадници истражувања за спиењето кои ни помогнаа да научиме многу за нас. Со некои од нив, пак, научниците успеале да откријат и кои карактеристики им се заеднички на луѓето кои спијат на одреден начин.

Истовремено, бидејќи секоја положба на спиење си има предности и недостатоци, донекаде може да се предвиди со кои здравствени проблеми би се соочиле во зависност од начинот на којшто спиете.

Па, погледнете што кажува за вашето здравје и вашиот карактер вашата омилена положба за спиење:

Спиење на грб

Карактер: Ако спиете на грб со рацете поставени покрај телото, тогаш најверојатно сте затворена личност која ја цени својата приватност. Ако спиете со раширени раце, тогаш сте отворена и опуштена личност. Генерално, луѓето кои спијат на грб си поставуваат високи стандарди и се одлични слушатели.

Здравје: Луѓето кои спијат на грб обично немаат болки во овој дел од телото. Бидејќи во оваа положба телото е најдобро поставено, тие ретко имаат и проблеми со вратот.

Спиење на стомак

Карактер: Вие сте уникатна личност која сака да ги забавува другите. Сигурно имате огромна самодоверба и сте екстроверти, но одвреме-навреме сакате да се затворите во вашата школка. Истовремено, и покрај самодовербата, многу тешко ги поднесувате критиките од другите.

Здравје: Луѓето кои спијат на стомак доста често имаат проблеми со грбот, но и вратот. Можно е да им се појават и брчки порано во животот, бидејќи во текот на целата ноќ лицето им е „залепено“ за перницата. Но од друга страна, помала е веројатноста да ’рчат или да се соочат со апнеја.

Спиење на страна

Карактер: Обично овие луѓе изгледаат силно, па дури и непристапно однадвор, но всушност се нежни личности кои неретко се соочуваат и со анксиозност. Ако спиете на страна, веројатно сте посрамежлива личност, која секогаш им го мисли најдоброто на саканите.

Здравје: Наводно, мнозинството луѓе спијат на страна, чувствуваат неколку придобивки од тоа, вклучувајќи помалку болки во грбот и помал ризик од ’рчење. Но обично, овие луѓе можат да имаат проблеми со дишењето бидејќи оваа положба создава притисок на дијафрагмата.

Спирова С. | Црнобело