Продукти кои се безбедни за користење, дури и откако ќе им помине рокот

Крајниот рок на употреба, односно истекување, не би требало да е пресуден фактор за продуктите на оваа листа.

Ако ги чувате на суво место, далеку од влага или сончева светлина, овие продукти се безбедни дури и кога рокот на амбалажта го кажува спротивното:

1. СПФ фактор за сончање

Кремите за сончање може да издржат и до 2 години, односно 2 сезони, ако ги чувате во оригиналната амбалажа. Сепак, ако стои отворен долго, не ризикувајте.

2. Влошки и тампони

Нивниот реален рок на употреба се продолжува и до 5 години, ако не апсорбираат влажност. Затоа, избегнувајте да ги чувате во тоалетот.

3. Сенки за очи

Експертите велат дека сенките за очи имаат рок со години, без да ја иритираат кожата. Она на што треба да внимавате е чистотата на четките со кои ги нанесувате. Но, зависи од производот, па ако чувствувате непријатност на очите, отстранете ја сенката и не ја користете.

4. Јајца

Јајцата се свежи 3 до 5 недели од купувањето, односно од втиснатиот датум на амбалажата. Само треба да ги чувате на темно место во фрижидерот.

5. Чоколадо

Ако го чувате на темно, суво место и на не повеќе од 20 степени, чоколадото може да издржи со недели.

6. Чипс

Чипсот не е најздрав, но неговиот рок на траење е исклучително долг, токму поради високото количество на сол. Без проблем може да издржи 2 до 3 месеци, на суво и темно место.

7. Сенф

Сенфот останува свеж и добар за употреба цела година откако ќе го отворите пакувањето. Но, најдобро е да ги проверите формата и мирисот.

8. Зачини

Зачините нема да ги изгубат своите дејства и ароми дури 2-3 години по купувањето. Важно е само да не апсорбираат влажност и топлина.

М. Д. | Црнобело