„Живеам во камперско комбе 10 години – кои се најлошите работи кои никој не ги кажува?“

„Сè е нечисто постојано, односно кога живеете во комбе надворешниот свет влегува кај вас, особено кога врне и имате куче, сè е прекриено со кал...“, раскажува Карла од САД.

Карла Маргесон од САД вели дека во еден миг одлучила комплетно да го промени својот животен стил и почнала да живее во камперско комбе.

Вели дека во тие 10 години ги видела најубавите ѕвездени неба и ги испила највкусните утрински кафиња со незаборавни пејзажи пред себе.

Но, вели дека има и лоша страна животот на пат.

Таа ги открива работите за кои никој не зборува:

Живеењето во комбе е како кампување, односно извршувањето на секојдневните задачи како готвење и миење на чинии е многу потешко.

Сè е нечисто постојано, односно кога живеете во комбе лесно надворешниот свет „влегува“ кај вас, особено кога врне и имате куче, сè е прекриено со кал.

Временските услови ги доживувате многу поекстремно, кога грее многу сонце комбето може да се претвори во рерна, а кога е студено може да се разбудите наутро и да не ги чувствувате прстите, иако греењето ви работело постојано.

Има негативно влијание врз психичката состојба, затоа што колку и да звучи авантуристички, вие всушност немате предвидливост која ви дава чувство на стабилност и постојано се соочувате со непредвидени ситуации и тоа ви причинува стрес.

Чувството на страв е секогаш присутно, затоа што постојано мора да пресметувате дали имате доволно вода за да ги измиете чиниите на пример, изворите на ресурси ви се ограничени и мора добро планирање, плус мора постојано да внимавате на безбедноста, сепак сте на отворено.

Дефектите на комбето ќе бидат почести од што очекувате и некогаш нема да имате пристап до механичар за да ви помогне.

Ќе ви недостигаат познати лица, затоа што тука немате соседи чии лица ви се познати или рутина за пиење утринско кафе со некоја пријателка од доверба, туку постојано запознавате нови луѓе и градите кратки врски со нив.

С. С. | Црнобело