Популарни гестикулации со раце што се навредливи во некои држави

Додека покажувањето среден прст се смета за навреда во скоро целиот свет, кренатиот палец може има сосема поразлично значење од едно до друго место – во Русија, на пример, се смета за голема навреда.

Обично не размислуваме многу за гестикулациите што ги користиме скоро секојдневно, но она што е најнормално кај нас, може да биде сериозна навреда во друга држава.

Па, добро би било да обрнете внимание на ова кога патувате или запознавате луѓе од други земји.

Кои се популарните гестикулации што треба да ги избегнувате во други држави?

Кај нас и во целиот свет

Покажување на средниот прст се смета за навреда не само кај нас, туку во речиси целиот свет. Оваа гестикулација е всушност многу стара – самиот Диоген сакал да ја користи за да ги провоцира луѓето околу него.

Бразил

Кај нас оваа гестикулација може да се протолкува како „во ред“ или „океј“, но во Бразил е речиси исто како да сте покажале некому среден прст.

Наводно, и во Грција и во Турција некои луѓе ја гледаат гестикулацијата како вулгарна.

Италија

Во Италија, оваа гестикулација значи дека воопшто не ви е грижа за она што го кажува соговорникот.

Слично значење има и во Франција, Белгија и Тунис, каде што може да се протолкува и како „Губи се“.

Колку поагресивно ја правите гестикулацијата, толку полоша порака испраќате.

Турција

Неретко постарите ја прават оваа гестикулација кога ги лажат малите дечиња дека „им го украле носот“ или ги насамариле. Но, немојте никако да го правите ова во Турција, бидејќи таму се смета за навреда.

Гестикулацијата може да биде навредлива и за луѓето во Индонезија, Италија и Индија.

Виетнам

Во некои западни држави, прекрстувањето на прстите значи „Ти држам среќа“ или нешто во тој контекст и е генерално позитивна гестикулација.

Во Виетнам, од друга страна, ова е вулгарна гестикулација која симболизира женски полови органи. Гестикулацијата е уште понавредлива ако биде насочена кон само една личност.

Африка, Русија и многу исламски држави

Кај нас кренатиот палци значи „Во ред“, а некогаш и знак за добро сработена работа, но за многу луѓе од Русија, Африка и некои исламски држави се смета за навреда.

Па, внимавајте каде ќе ја направите оваа гестикулација.

Спирова С. | Црнобело