Што користеле жените пред појавата на влошки и тампони?

Донекаде, менструацијата и до денес претставува табу, па само замислете како ја гледале луѓето пред неколку века. Поради овој став кон менструацијата, биле потребни многу години за жените да престанат да се срамат да си купуваат хигиенски продукти, па првите влошки кои се појавиле на пазарот биле неуспех. Тогаш што користеле наместо влошки и тампони?

Менструацијата е нормален процес и секоја девојка и жена знае дека овие неколку денови можат да бидат вистински предизвик. Покрај променливото расположение и болките кои можат да бидат многу интензивни, овде е и крвавењето кое трае неколку денови.

Денес ни се достапни влошки, тампони и менструални чашки благодарение на кои крвавењето не претставува скоро никаков проблем, но за жените во минатото менструациите биле многу попроблематични.

Што користеле жените пред појавата на влошките и тампоните?

Папирус и сунѓери

Речиси и да нема податоци за тоа што користеле жените од древното минато, но многу историчари веруваат дека користеле природни материјали, како папирус и морски сунѓери.

Најверојатно древните Египќанки си правеле еден вид тампони од папирус, а според Хипократ, жените од древна Грција правеле тампони од мало парче дрво завиткано во ткаенина.

Се смета и дека жените користеле природни морски сунѓери како тампони.

Хигиенски престилки

Во 1850-тите жените почнале да користат таканаречени хигиенски престилки. Овие престилки биле гумени и ги покривале гениталиите со што ја задржувале крвта.

Но, овие престилки не биле воопшто удобни и наводно мирисале многу лошо.

Менструален колан

Кон крајот на 19-тиот век бил измислен и таканаречениот менструален колан. Изумот е всушност обичен колан на кој била прикачена ткаенина со голема апсорбирачка моќ.

Иако коланите се користеле пред почетокот на 20-тиот век, биле патентирани дури во 1900-тите.

Парчиња ткаенина

Со векови, жените од си правеле влошки од парчиња ткаенина, дури и во периодот кога постеле хигиенските престилки и менструалните колани.

Сепак, овој период почнала да се појавува грижа за опасностите од инфекции поради неправилното чистење на овие влошки, па постепено почнал да се создава пазар за хигиенски продукти за жени.

Првите влошки

Во 1896 година на пазарот се појавиле првите влошки – Lister’s Towels – кои наликувале на парчиња ткаенина полна памук. Овие влошки биле за една употреба.

Сепак, бидејќи овој период менструацијата уште била табу-тема и жените обично се срамеле да си купуваат вакви продукти, производот не стекнал голема популарност.

Менструални панталони

Веќе е јасно дека периодот помеѓу крајот на 18-ти и почетокот на 19-ти век понудил многу изуми за менструација.

Околу 1920-та на пазарот се појавиле и менструални панталони обложени со гума која го спречувала протекувањето.

Менструални чашки

Во 1930-тите била направена првата менструална чашка – мал сад кој се става во вагината и ја собира менструалната крв.

Иако денес овие чашки стануваат многу популарни, тогаш не доживеале голем успех.

Спирова С. | Црнобело