Краток водич за опуштен одмор

Годишниот одмор треба навистина да ви биде одличен. Поминете многу време со блиските, патувајте и правете ги сите оние работи за кои немате време...

... во текот на годината.

Како навистина летниот одмор да биде вистинско освежување на вашето тело и дух?

1. Дишете. Едноставно успорете. Сконцентрирајте се на дишењето и уживањето во листиот воздух, на околината и убавините – наместо да правите попис на обврски во главата.

Слушајте ги звуците на природата, впивајте ги мирисите. Секогаш кога ќе почувствувате и трошка стрес вратете се на опуштената состојба на дишење длабоко и посматрање наоколу.

2. Прифатете ја ситуацијата. Ако нешто не ви е по мерак – игнорирајте го.

Прифатете ги работите онакви какви што се наместо да мрчите за се што ќе ви дојде на памет (не ви чинела собата, кафето не било убаво, плажата била гласна, кафето поскапо отколку што сте очекувале...).

Обидете се да ја прифатите ситуацијата онаква каква е и не приговарајте за ситници. На одмор сте – важно е да се опуштите и да го искористите максимално.

3. Планирајте да не правите ништо. Испланирајте си дека на одморот нема да правите ништо. Само ќе се опуштате.

Ако сами себе се напнувате што треба да направите додека сте на одмор – ќе имате умор место одмор.

4. Правете го она што сакате во моментот. Ако ви се спие – спијте, ако ви се шета – шетајте, ако ви се чита книга – читајте, ако ви се забавува – излезете и танцувајте до раните утрински часови. Правете што ви се сака – кога ви се сака.