Морничавата приказна за Зодијак - еден од најпознатите сериски убијци на сите времиња, кој праќал шифрирани пораки

Последната (позната) жртва на Зодијак

Последната позната жртва на Зодијак е таксист кој бил застрелан и убиен во октомври 1969 година. Набрзо по убиството, Зодијак испратил уште едно писмо до локален медиум заедно со дел од блузата на жртвата како доказ.

Бидејќи тројца тинејџери го виделе Зодијак додека бега од местото на злосторството, биле повикани во полиција и со нивна помош бил направен првиот негов скеч.

Во следните неколку години, полицијата испрашала над 2.500 осомничени со надеж дека ќе го фатат убиецот, но залудно.

Дотогаш, Зодијак веќе имал испратено неколку писма и шифрирани пораки. Во овие писма тој зборувал и за други убиства кои уште не се потврдени или не можат да се поврзат со него. 

Зодијак ги испраќал писмата во периодот 1969-1974, а некои од пораките не се дешифрирани и денес.

Едната од нив беше дешифрирана во 2020 година од неколку аматери. Во оваа порака, Зодијак очигледно им се потсмева на експертите:

„Се надевам дека ви е многу забавно додека се обидувате да ме фатите“.

Па, кој е всушност Зодијак?

Целиот случај со овој сериски убиец до денес е обвиен со мистерија.

До денес се шпекулира за содржината на последните две пораки од убиецот за кои се верува дека го кријат неговиот идентитет. Проблемот со овие пораки е тоа што се многу кратки, а ова ги први потешки за дешифрирање.

Според некои експерти, Зодијак не престанал со убивање кога престанал да ги испраќа писмата. Некои веруваат дека била активен и во 1980-тите и убил најмалку десет луѓе. Сепак, не сите го делат ова мислење.

Во 1990-тите неколку детективи сметале дека го идентификувале Зодијак. Најпознат осомничен е Артур Леј Ален, учител од Калифорнија. Во 1975 година Артур бил затворен во институција поради сексуален напад врз дете. Ова се поклопува со фактот дека Зодијак престанал со писмата во тој период.

Артур умрел во 1992 година и иако важи за најпознат осомничен, неговата поврзаност со Зодијак сепак не е целосно потврдена.

Спирова С. | Црнобело