Најдолговечниот човек во светот живеел 256 години и се женел 23 пати – кои биле неговите последни зборови?

Ли тврдел дека е роден во 1736-та година и доживеал старост од 197 години, а според напис објавен во Њујорк Тајмс, врз основа на достапните документи, кинескиот билкар и учител по боречки вештини бил роден во 1677-ма година и живеел 256 години. Кои биле неговите тајни за долговечност и кои се неговите последни зборови?

Ли Чинг Јуен е кинески билкар, кој се занимавал со боречки вештини и бил советник за воена тактика, а во светот е најпознат по неговата наводна долговечност. Според некои извори Ли живеел неверојатни 256 години.

Овој кинески билкар е познат како еден од најдолговечните луѓе во светот. Неговите мудри мисли честопати се споделуваат за да послужат како инспирација, а неговата најпозната изрека е:

„Зачувајте го срцето мирно, седете како желка, чекорете нежно како гулаб и спијте како пес“.

Датумот на смртта на Ли е познат и се знае дека тој починал на 3-ти мај 1933-та година, но се води голема дискусија околу датумот на неговото раѓање.

Ли самиот тврдел дека најверојатно бил роден во 1736-та година и доживеал старост од 197 години, а според напис објавен во Њујорк Тајмс, врз основа на достапните документи, кинескиот билкар бил роден во 1677-ма година и живеел 256 години.

Според објавите во престижниот американски весник наводно кинеската влада му го честитала 150-иот роденден на Ли ви 1827-ма година, а во 1877-ма година му го честитала 200-иот роденден.

Речиси и двете возрасти се чинат практично невозможни, а неговата долговечност е еден вид на урбан мит.

Според пишувањата во медиумите Ли од 10 години работел како билкар. Тој собирал билки за долговечност и потенција, а освен што ги продавал исто така и ги користел.

Неговата исхрана во еден дел од животот се состоела само од овие билки и оризово вино.

На 72-годишна возраст се придружил на кинеската војска како учител по боречки вештини и советник за воена тактика.

За него се верува дека се женел 23 пати и имал над 200 деца. Наводно, на смртната постела пред да го земе последниот здив кажал само една реченица:

„Направив сѐ што можев да направам на овој свет.“

Б. С. Б. | Црнобело