Дозвола за брак со разведена личност и уште 9 (застарени) кралски правила што ги промени кралицата Елизабета

До 2002 година, членовите на кралското семејство не смееја да стапуваат во брак со разведена личност. Но, кралицата Елизабета го промени ова правило, а токму затоа принцот Хари можеше да се венча со Меган Маркл која зад себе има еден неуспешен брак.

Кралицата Елизабета е можеби најпрогресивниот монарх кој седел на тронот во Англија.

Во 70-годишното владеење, Елизабета направи огромни промени и го доближи кралското семејство до јавноста.

Односно, ако некогаш сите церемонии и детали од животот на кралското семејство биле чувани во тајност, Елизабета се потруди да ги направи колку-толку достапни за јавноста.

Елизабета отстрани некои премногу застарени правила и ја модернизираше британската монархија, па не e ни чудно што Британците ја возвишуваа.

Кои промени ги направи кралицата Елизабета за време на нејзиното владеење?

Фотографот Реј Белисарио беше познат како „првиот британски папарацо“ и е првиот фотограф кој успеа да направи неофицијални и неформални фотографии од кралското семејство.

Тој почнал да го следи семејството во 1950-тите и наводно тие го мразеле.

Но, денес папараците се неизбежен дел од секој кралски настан, а членовите на кралското семејство со задоволство им позираат. 

Англиската црква забрануваше брак со разведена личност.

Поради ова, кралот Едвард VIII направи вистински скандал кога се откажа од тронот за да може да се венча во Волис Симпсон која беше разведена.

Но, од 2002 година ова правило не важи, па токму затоа принцот Хари можеше да се венча со Меган Маркл која зад себе има еден брак.

Свадбата на кралицата Елизабета и принцот Филип во 1947 година беше пренесувана на радио и јавноста можеше да види само фотографии од настанот.

Од друга страна, денес кралските венчавки се настан што го следат милиони луѓе од целиот свет.

На пример, свадбата на принцот Хари и Меган Маркл ја пренесуваа стотици телевизии од целиот свет, но и бројни медиуми кои објавуваа фотографии во живо.

Порано сите жени од кралското семејство, вклучувајќи ја и Елизабета, се породуваа во палатата. 

По раѓањето на принцот Вилијам, многу жени од кралското семејство одлучија да се породуваат во болница.

Покрај тоа, тие не само што се породуваат во болница, туку и позираат за папараците кога си одат кон палатата.

Раѓањето на децата од кралското семејство било најавувано со огласна табла пред Бакингемската палата.

Денес овие вести се споделуваат на официјалните профили на социјалните мрежи на кралското семејство.

Продолжува на следната страница...