Бонтон -како се јаде правилно?

Постојат правила – според бонтон, како се јадат одредени оброци. Нема потреба колачиња да сечете со вилушка и нож или пак да гризате парче торта.

Чисто да ве потсетиме на некои манири:

1. Компот – се јаде со мала десертна лажичка.

2. Сендвичи – се јадат со рака, освен ако не се преголеми кога треба да се исечат на парчиња, а потоа може да се продолжи со рака.

3. Ориз – се јаде со вилушка.

4. Колачи – се јадат со мала десертна вилушка, а сувите колачи со рака.

5. Торта – се јаде со мала десертна вилушка, или лажичка.

6. Чипс – се јаде со рака.

7. Риба – се јаде со вилушка и посебен широк нож (доколку е сервиран).

8. Јајца – меко варено се сервира во посебна чашка и се јаде со мала лажичка. Тврдо варено се чисти со рака, се сецка со ноже и се јаде со вилушка. Кајгана – се јаде со вилушка.

9. Шпагети – се јадат со вилушка, а си помагате со лажица.

10. Ракчиња – се јадат со прсти.

11. Кавијар – се става со ножот на леб претходно намачкан. По потреба може да се додаде некоја капка лимон.

12. Овошје – речиси сите видови овошки се јадат со нож и вилушка. Јаболко и крушка се делат на четири дела со нож,  а потоа на потенки парчиња и продолжувате, или со рака, или мала вилушка. Портокал се лупи со нож и понатаму се јаде со раце. Бананите – со раце, освен ако не сакате да си ги излупите па да ги пресечете на парчиња. Лубеница и диња се јадат со нож и вилушка.

13. Леб и бели пецива – се јадат со рака. Со левата рака се земаат од масата, корпата или чинијата.

14. Супа – се јаде со лажица, но не е културно да дувате во лажицата, едноставно почекајте да се излади.

15. Пилешко – стек се јаде со нож и вилушка. Бело месо, батак, карабатак – слободно јадете со раце.

16. Салата – се јаде од чинијата која е поставена од левата страна на главната чинија, со вилушка и не се сече (освен по потреба). Салатата не би требало да се става во главната чинија со останатата храна.

17. Пица – се сече на поголеми парчиња и се јаде со рака.

Имате нешто да додадете? Слободно пишете ни во коментарите!