8 трикови како да си купите сè што ви е потребно (а паричникот да не ви доживее суша)

Сите сакаме да мислиме дека сме одговорни со парите и можеме да се контролираме. Но, скоро сите сме купиле нешто импулсивно, без многу размислување.

Ако сакате да заштедите или само да ги намалите трошоците, тогаш мора да имате поголема контрола, но и да купувате паметно.

Во продолжение неколку трикови кои ќе ви помогнат да купувате паметно:

Не им верувајте на огледалата во соблекувалните

Неретко светлото во соблекувалната може да направи да изгледате многу полошо отколку што навистина изгледате.

Притоа, имајте на ум дека просторот во соблекувалната е тесен, па се гледате многу одблизу и може да ви се чини дека некое парче облека не ви стои воопшто добро.

Бидејќи во овој миг сигурно ќе се почувствувате разочарано, поверојатно е да купите повеќе други работи и да потрошите повеќе пари за да се утешите.

Доколку во соблекувалната има големо огледало, надвор од кабините, најдобро огледајте се таму.

Или, ако продавницата дозволува замена за број, купете ја облеката и пробајте ја дома.

Избегнувајте пијалаци со средна големина

Обично нема многу голема разлика во чашите со средна и мала големина, но сепак средните се поскапи.

Нема да забележите некоја разлика ако наместо средна, купите мала чаша, а сепак ќе платите пониска сума.

Нема потреба да ставате многу паста на четката

Актерите во рекламите за пасти за заби секогаш ставаат многу паста на четката.

Но, ова не е препорака за тоа колку паста треба да ставите, туку е повеќе од естетски причини.

Сосема доволно е да ставете паста колку зрно грашок. На овој начин пастата ќе ви трае многу подолго. 

Не „паѓајте“ на попусти

Само затоа што нешто е на попуст, не значи дека морате да го купите.

Не заборавајте дека дури и кога купувате на попуст, не заштедувате, туку трошите пари.

Па, ако сакате да го контролирате трошењето, нема потреба да купувате нешто што не ви е неопходно, дури и ако е на попуст.

Немојте слепо да следите трендови

Трендовите се минливи и повеќето се хит само месец-два.

Ако купувате облека само според светските трендови, ќе треба да купувате нови парчиња секој месец, а со тоа и да потрошите многу пари.

Не купувајте нешто само затоа што е последно

Некогаш во продавниците истакнуваат кога некој продукт е последен.

Но, слично како попустот, ова не значи дека токму вие треба да го купите ако не ви е потребен.

Дури и ако навистина продуктот е последен, кога ќе ви притреба, во друга продавница сигурно ќе најдете нешто слично.

Не купувајте нешто само затоа што е во ограничени количини

Во многу продавници има продукти кои се во ограничени количини.

Поради ексклузивноста, овие продукти можат да бидат и поскапи.

Но, ако не ви се потребни, зошто да трошите пари за нив?

Бидете свесни за влијанието на мирисите

Некогаш е тешко да одолеете на примамливата арома од некоја пекара и одвреме-навреме е сосем во ред да си купите нешто.

Но не дозволувајте сетилото за мирис да ве контролира постојано, особено ако пробувате да ги намалите трошоците.

Спирова С. | Црнобело