„3-те најужасни славни личности кои доаѓаа кај мене во ресторан“, споделува поранешен келнер

Откако ресторанот Балтазар го прогласи водителот Џејмс Корден како „најнекултурниот клиент“ што некогаш го имал, сè повеќе познати личности се обелоденуваат за нивното ужасно однесување во ресторани! А кои се некои од тие? Меган Маркл, Наоми Кембел и Ана Винтур.

Според Њујорк пост, поранешниот главен келнер Мајкл Чеки-Азолина се присетува на сите свои искуства во неговата книга „Твојата маса е подготвена“.

Тоj започнува со војвотката од Сасекс, и тврди дека во 2017 година, таа пристигнала 20 минути порано и почнала да бара посебен третман, дури и да биде сместена во некој скриен дел од ресторанот за да не ја гледаат останатите.

Веројатно можете да погодите што дополнително направила Меган со оглед на тоа дека се забавувала со принцот Хари, со кој подоцна се омажила. Веднаш почнала да го повишува тонот и да споменува дека се забавува со принц, и дека еден ден ќе биде принцеза. Побарале да бидат сместени во некој приватен дел од ресторанот, додека не им се ослободи масата. Но Мајкл само им кажал дека тоа не може да се случи.

Тој додава: „Едни од највлијателните и најмоќните луѓе доаѓаа во тој ресторанот, а искрено мене ме заболе за Меган.“

Но Меган не била единствената славна личност која оставила ужасен впечаток кај Мајкл! Поранешниот келнер, исто така, се сеќава како Наоми Кемпбел и Ана Винтур честопати се појавувале ненајавено и постојано враќале храна.

Во книгата, тој тврди дека 52-годишната манекенка, која го посетувала ресторанот во раните 2000ти била ужасно груба и се жалела на нејзината храна речиси секој пат.

Тој додава: „Искрено, се плашевме кога таа требаше да дојде. Наоми беше една од ретките личности кои не сакавме да нѐ посетува во ресторанот.“

Што се однесува до Ана Винтур Мајкл сподели дека главната уредничка на Вог била „апсолутно ужасна“ бидејќи честопати „влегувала без резервација и барала маса“. Штом ќе нарачала храна очекувала истата да ѝ биде донесена ВЕДНАШ.

Мајкл додава: „Не дај Боже  храната да беше малку преварена или препечена. Таа ќе го погледнеше келнерот како да ѝ послужил стаорец и веднаш ќе побара да ѝ донесе нова порција. Знаеше само да се јави на телефон и да каже дека доаѓа, и сите знаевме што да правиме. Тоа беше пекол.“

Со новите скандали кои излегуваат за Џејмс Корден и како тој се однесувал во одредени ресторани, треба да се запомни дека ништо не чини да се биде учтив и културен. Најмногу кон оние кои ти ја подготвуваат и сервираат храната. Тоа едноставно значи да се биде човек.

К. А. | Црнобело