Топ 5 најнекултурни работи кои можете да ги направите во ресторан и да бидете Џејмс Корден (а не треба)

Јавете се ако доцните или откажувате резервација, не коментирајте агресивно кога ќе ви ја погрешат нарачката (туку смирено посочете) и уште неколку совети како да не бидете Џејмс Корден – водителот и комичар, кој доби забрана за пристап во ресторан во Њујорк поради некултура и дрскост.

Во светските медиуми хит е приказната за Џејмс Корден кој јавно му се извини на сопственик на популарен ресторан во Њујорк, откако тој одлучил на водителот и комичар да му забрани влез во неговиот ресторан, затоа што цели 25 години се однесувал некултурно и му го малтретирал персоналот.

Сепак, многумина на Твитер се шегуваат дека тој воопшто немало да му се извини, ако приказната не завршеше во медиумите. Како и да е, потегот што барем се извинил е за пофалба.

Воопшто нема да навлегуваме во тоа, само ќе ви пренесеме кусо упатство како да не бидете иритантни за персоналот во рестораните како што е Џејмс Корден, а тоа е од искуство на Антоан Мелон, поранешен вработен во угостителскиот сектор.

Тој открива кои се најнекултурните работи можете да ги направите во ресторан (a не треба):

Агресивна комуникација

Ако има каков било проблем, комуницирајте, но смирено. Без разлика дали ви ја погрешиле нарачката или пијалакот, љубезно кажете ја вашата забелешка на келнерот, наместо да сеете фрустрација и да им го расипете престојот во ресторанот и на другите гости.

Келнерот со задоволство ќе го поправи погрешеното.

Не информирате дека ќе задоцните, а имате резервација од одреден тајминг

Рестораните треба да се справат со многу посетители и нормално е што сакаат да се добро организирани за посетителите да се задоволни, но и тие да направат максимум профит.

Па, во сечиј интерес е да известите доколку задоцните. Убаво е да се почитува направената резервација.

Уште повеќе треба да почитувате да се јавите ако комплетно ја откажувате резервацијата, поради неодложни обврски.

Постојано повикање на келнерот

Да, тој е тука за вас и работа му е да ве услужи. Но, прво убаво договорете се на масата, па викнете го за да направите нарачка.

Не го враќајте 5 пати за 5 пијалаци, бидете посинхронизирани и ценете го неговото време, нерви и фактот што цел ден е на нозе и оди наваму натаму.

Викање по келнерот „Еј, дојди...“

Во ред е ако сте фрустрирани што келнерот не ве гледа додека му мавтате, но имајте малку трпение и не им го расипувајте престојот и на луѓето околу вас.

Нема потреба од некултура и немање манири. Додека е среде нарачка на друга маса, келнерот не може да гледа кон вас, зошто да внесувате непотребно тензија?

Не се шегувајте гласно на сметка на тоа колку е празен ресторанот

Забелешките дека ресторанот е празен, скап или други забелешки од каков било тип зачувајте ги за себе или кажете си ги тивко со пријателите и не одете повторно во тој ресторан, наместо да внесувате непријатност кај персоналот со коментирање и смеење на глас.

Прочитајте и 10 бон-тон правила со кои ќе изгледате отмено и ќе оставите добар впечаток

С. С. | Црнобело