Луѓе споделуваат работи кои се сосема нормални во нивните земји, но нам ни изгледаат лудо

„Во рурална Ирска е сосема нормално да видите деца на 12-14 години како возат трактори по автопат. Според законот, треба да имаат барем 16 години, но на повеќето фармери не им е гајле“.

Навистина е неверојатно колку се разликува начинот на живот од една до друга земја.

Некои работи што нам ни се секојдневие, веројатно би запрепастиле многу луѓе од некоја друга држава.

Важи и обратното – она што е нормално во некои држави, нам може да ни изгледа мошне чудно.

За Редит, неколку луѓе споделуваат што е нормално во нивните земји, но им изгледа чудно на луѓе од други држави:

„Во Германија, легално можете да купите вино и пиво на 16 години. Па, на повеќето родители не им е проблем ако нивното дете првпат проба алкохол на 14 години. Всушност овде е тешко да најдете тинејџер кој никогаш во животот не пробал алкохол“.

„Живеам во близина на природен резерват во Јужна Африка. Не е ништо чудно да слушнеме мајмуни во нашиот двор или да забележиме носорог на 10-тина метри од нашата оградата. Еднаш цела група мајмуни скокаа на нашиот покрив“.

„Во австралиските рурални области, задните врати од домовите секогаш ни беа отклучени. Пријателите можеа да си влезат и да си направат чај или кафе додека нè чекаа да завршиме ако сме имале некоја обврска“.

„Во Шведска владата има монопол на секој алкохол над 3,5% и може да се купи само од продавници одредени за тоа“.

„Во Финска, кога почнуваме да одиме на факултет, во првата недела се запознаваме со колегите, а потоа заедно одиме во сауна“.

„Во Тасманија имаме четири годишни времиња секој ден – облечи го палтото, па соблечи го, сончево е, па има дожд. Потоа е многу студено и ветровито, па повторно е многу топло. Најчесто носам комбинација од кратки панталони и зимска јакна за најекстремните денови“.

„Во Романија, има професија вештерка или медиум. За да го работите ова, потребна ви е дозвола за работа, а ќе плаќате и данок“.

„Живеам во Флорида во област со многу мочуришта, па е сосема нормално да налетам на алигатори околу базените или на паркинзите. Се имам сопнато од алигатор многупати. За среќа, навистина се мирни и нема да ве задеваат освен ако не ги задевате вие. Полицајците се дури обучени да се справуваат со алигатор“.

„Во рурална Ирска е сосема нормално да видите деца на 12-14 години како возат трактори по автопат. Според законот, треба да имаат барем 16 години, но на повеќето фармери не им е гајле“.

„Живеам во Израел и овде е нормално околу 15% од населението да не работи, но да добива пари од владата бидејќи се моли на Бог, бидејќи и тоа било важно“.

„Во Мадагаскар, понекогаш ги откопуваме труповите на нашите сакани и ги носиме во селото каде што живееле, како на посета. Им ги менуваме чаршафите во коишто се замотани, па ги враќаме во гробот и правиме забава“.

„Во Германија јадеме живо мелено месо врз парче леб“.

Спирова С. | Црнобело