6 (одвратни) факти за хигиената на Европјаните во минатото

Жените користеле мов наместо влошки

Во Англија има вид мов со голема апсорбирачка моќ. Па, во средновековна Англија, многу жени правеле импровизирани влошки со растението.

Всушност, истиот мов се користел и како газа на бојното поле поради апсорбирачката моќ.

Го миеле лицето со урина

Неретко урината се користела за перење облека поради амонијакот во неа.

Но, некои жени го миеле лицето со урина верувајќи дека ќе им ја подобри состојбата на кожата.

Користеле цвеќе за прикривање на непријатниот мирис

До крајот 18-иот век, Европјаните се бањале многу ретко, некои и само неколкупати во целиот живот. Покрај тоа, овде бил и лошиот мирис кој се ширел низ градовите бидејќи немале канализација и никој не внимавал на јавната чистота.

За да се справат со непријатната миризба, многу луѓе носеле мали букети цвеќе кои ги мирисале постојано. Жените носеле цвеќе и како украс на облеката или во косата.

На сличен начин користеле и ароматични билки и растенија, а доста популарни биле и мирисливите масла.

Генерално, тие правеле сè за да го прикријат лошиот мирис, освен подобрување на хигиената.

Сите се бањале во иста, валкана вода во јавните бањи

Јавните бањи не биле само место за бањање, туку и за социјализација.

Иако модерните базени потсетуваат на нешто слично, не треба да заборавиме дека денес имаме хемикалии како хлор кои ја прочистуваат водата и, практично, нè штитат од другите луѓе во базенот.

Порано сигурно немало хлор, а и водата во бањите се менувала многу ретко, што значи сите бањале во многу, многу валкана вода.

Спирова С. | Црнобело