Всушност, одлично си парираат

Твојата поткошула здиплена, мојот градник фрлен во некој ќош, што намерно кога би сакала да центрирам не би ми текнало, а не би ми ни успеало. Твоите слим фит панталони повторно здиплени веднаш под твојата префинета, памучна маичка со темно сива боја, која го истакнува секој прекрасно извежбан мускул од твоето тело на бог.

Јас така лежам и те чекам, немав многу облека на мене, тесна фармерка со висок струк, која ја истакнува твојата омилена облина на моето тело и не толку бела маичка, поради видливи флеки од кожа боја пудра и тартот од јагода и ванила што го појадував прееска.

Иако го консумирав така несмасно и детски, ти ми велиш: " Колку си слатка, да му се пријаде на човека ".

Наназад низ годините, ми замеруваше кога ќе искапам по некое од парчињата облека, сега ми велиш: " Навистина си посебна, те обожувам што си ваква трапавка, немарлива и невнимателна, единствена си! "

Ти ми велиш, а јас се топам како свеќа од најевтин и најфушерајски изработен восок, ти давам, една многу самоуверена насмевка без да размислам дека имам остатоци од тоа што сум јадела и ти, повторно ми се смееш на мојот комичен потег. И ете ги моите црвени обравчиња, ти повторно ми се цедиш од сладост. Можеби и е до начинот на кој те гледам, не знам.

Секогаш велиш дека синото око е најубаво, ама за моите две сè уште не сум чула некој посебен, пофален збор. Можеби се плашиш дека ќе ми влееш самодоверба и дека ќе станам вообразена, која ги знае твоите стравови, која ако не јас, но никогаш, никогаш не ги употребувам само за да ти напакостам, се правам глупава и умна, а горам, а чинам кулминации и перипетии само да не забележиш дека нешто ти недостига и штети.

Да се вратам на оној чекор до совршениот момент, се наоѓаме врз постела, како што кажав јас веќе лешкарам онака опуштено и те чекам, бидејќи бев брза во отстранувањето на крпите од мене, плус не носев гаќички. Брзо се пресоблеков и сè уште те чекам додека си ги средуваш своите работи толку педантно и перфектно.

Можеби намерно ми го правиш сето тоа, сакаш да копнеам по целиот ТИ.

Автор: Водичка

Доколку и вие сакате вашиот текст да биде објавен, пишете ни тука!