Како да го разладите миленикот во лето?

Високите летни температури тешко ги поднесуваме со малку облека на нас, а замислете си како му е на вашето кутре со толку крзно на себе. За да им помогнете и да им го олесните летото, еве неколку совети како и тие да уживаат исто колку и вие.

Храна

Замрзнете говедска или пилешка супа во садот за мраз. Кога ќе се заледи, неколку коцки ставете во секоја порција на вашиот миленик. Освен тоа што ќе се разлади, неговиот оброк ќе биде уште повкусен.

Доколку вашиот миленик се доведе до мрзливост и млитавост од топлината, обидете се да го решите тој проблем со кашички за нега. Згмечете две банани, помешајте ги со четири лажици јогурт и додајте малку сечкано нане за да го освежите здивот на вашиот миленик. Смесата замрзнете ја и наградувајте го доброто однесување со ова слатко ледено задоволство.

Редовно шишање

Во летните денови посебно важно е да се грижите за нивниот надворешен изглед. Никако не го шишајте вашиот миленик до гола кожа, бидејќи влакната го штитат од сонцето. Практикувајте шишање еднаш во месецот, доволно за да го освежите и да го спречите создавањето на заплеткани влакна.

Надворешно разладување

Можеби кучињата не сакаат вода, но ако внимателно ги намокрите нивните нозе и главата во пределот зад ушите, може да уживаат во тоа.

Уште еден супер начин за разладување е мокрото крпче како играчка. Фрлајте го, натерајте го да ви го врати и дозволете му да се забавува и разладува истовремено.