Научете ја вашата мачка на ред!

Понекогаш учењето на вашата мачка на ред претставува вистински предизвик. И покрај тоа што ги кине сите ваши завеси и го гребе цел мебел, вие сепак паѓате на нејзиното слатко предење и тажен поглед.

Но, време е да се ослободите од нејзината непослушност. Ова се неколку интересни начини на кои може лесно да го научите вашето маче на ред, без разлика колку и да е диво.

Купете килим за гребење

Денес постојат разни килими за мачиња кои се направени посебно за прилагодување на нивното гребење. Кога еднаш ќе го купите килимчето, вашата мачка нема ни да го погледне вашиот кревет.

Наградувајте ја

Кога е добра и не гребе, наградете ја со омилената храна. Така ќе се научи на ред преку стомакот.

Казнувајте ја

Како што ќе ја наградувате кога е добра, доколку повторно почне да гребе, казнете ја. Доволна казна за една мачка е да ја игнорирате. Кога ќе посака да ви лежи во скут, тргнете се.

Направете и посебно место за спиење

Добро е познато дека мачките најмногу гребат откако ќе се разбудат. Затоа, направете и посебно место за спиење на кое ќе се навикне.

Збунете ја со нов мебел

Таа е навикната да ја гребе комодата и не знаете како да ја одвикнете. Едноставно купете нова комода или преместете ја и збунете ја. Непознатото секогаш ги плаши мачките.

Како вие се справувате со вашето маче?