Верувања за животинскиот свет кои се покажале како неточни

Дали сте од оние кои веруваат дека краставите жаби може да ви пренесат краста или дека додека спиете, јадете инсекти?

Животинскиот свет крие многу тајни и мистерии, но и митови кои се предизвикани од погрешни илустрации во сликовниците или во цртаните филмови.

1. Мравојадите ги вшмукуваат мравките

Ниту еден од познатите видови мравојади не ги вшмукуваат мравките од нивните живеалишта со своите сурли. Тие всушност имаат долги јазици со кои ги лепат мравките и можат да изедат и до 20.000 инсекти на ден.

2. Камелеоните ја менуваат бојата за да се претопат со околината

Тие всушност не ја менуваат бојата во склад со околината, туку со температурните промени во околината. Поради распоредот на нанокристалите на површината на нивната кожа, тие ги рефлектираат боите од околината.

3. Малите змии се поопасни од возрасните

Верувањето е дека малите змии немаат контрола колку отров испуштаат кога ќе каснат, но тоа не е точно. Кај едни видови дури ни возрасните змии не „контролираат“ колкава количина отров пренесуваат, а кај други, колку се постари, толку се поотровни.

4. Сите „јадеме“ инсекти додека спиеме

Иако се случува луѓе да проголтаат инсект додека спијат, голема е веројатноста дека всушност немате „изедено“ ниту еден пајак во текот на вашиот живот. Вашата уста воопшто не е привлечно место за инсектите, па можете да спиете мирно понатаму во животот.

5. Краставите жаби може да ви пренесат краста

На краставите жаби воопшто нема краста, туку таква им е кожата, рапава и полна со брадавици кои испуштаат одбранбени токсини за да се заштитат од околината. Не треба да ги допирате бидејќи се работи за отровни излачувања, но и ако ги допрете, во никој случај нема да ви пренесат краста.

Е. Д. | Црнобело