Дозволете им да тагуваат на луѓето што изгубиле милениче

Губењето милениче понекогаш боли како губење на сакана личност - психолог советува да ги разберете луѓето што се во ваква ситуација.

Дали некогаш сте изгубиле милениче? Ако сте минале низ нешто такво, тогаш знаете колку е болно ова искуство.  Но, кога станува збор за процесот на тагување се среќавате со некои чудни работи.

Со милениците формираме силни врски, дури посилни отколку со некои луѓе и кога ќе ги изгубиме чувствуваме дека треба да ја сокриеме болката затоа што едноставно некои луѓе не сфаќаат колку е болна загубата на милениче.

Психологот и автор Гај Винч порачува дека како општество треба да се промениме и да им дадеме поголема поддршка на луѓето кои тагуваат по загубата на своето милениче. Во неговата книга „How to Fix a Broken Heart“ објаснува колку е тешко ова и вели дека процесот на преболување може да трае еден или два месеци, но и година, па и подолго. Понекогаш тагата може да биде толку интензивна како губење на личност што ја сакаме.

Луѓето на пример се плашат да побараат слободен ден поради смртта на нивното милениче затоа што сметаат дека ќе бидат третирани како пречувствителни, недоволно зрели и емоционално слаби.

Ако имате некој во ваша близина што изгубил милениче, дадете му поддршка и оставете му време и простор да тагува. Покажете му разбирање и посочете му дека не треба да се чувствува лошо што се чувствува лошо што го изгубил својот крзнен пријател.

С. С. | Црнобело