Зошто секогаш треба да го шетате кучето со поводник, дури и ако е мирно?

Кучињата се мирни и питоми животни, па неретко сопствениците сакаат да ги шетаат без поводник.

Од една страна, ова му дава поголема слобода на миленичето и му овозможува подобро да ја истражи околината, но од друга, шетањето без поводник може да биде опасно и за миленичето, и за луѓето околу вас.

Погледнете зошто:

Не можете да го контролирате во присуство на друго куче

Без разлика колку е мирен вашиот миленик, не можете со сигурност да знаете како ќе изреагира кога ќе му се приближи друго куче.

Обично кучињата многу се возбудуваат во ваква ситуација, но возбудата лесно може да се претвори во агресија.

Притоа, можеби вашиот миленик има најдобри намери, но другите кучиња можат да го нападнат или многу да го исплашат, па само ќе си создадете проблем.

Некои луѓе се плашат од кучиња

Штом чувате куче, веројатно ги сакате животните, но не сите се чувствуваат исто. Не заборавајте дека многу луѓе имаат страв од кучиња.

Голема е веројатноста кучето без поводник да им се приближува на другите луѓе и, иако тоа само сака да си игра, некој може навистина да се исплаши.

Опасност за другите животни

Кучињата сакаат да бркаат други животи, како мачки и верверици. Можеби ова за вас изгледа забавно, но постои опасност кучето да го повреди другото животно.

А, како ќе му објасните на некој зошто вашето куче ја нападнало неговата мачка?

Продолжува на следната страница...