Татко за пример: Орангутан посветено се грижи за младенчето, откако мајката починала

Во дивината мажите орангутани не се дел од одгледувањето на младеничињата, но Берани комплетно ја замени мајката на 2-годишната Церах, таа не можеше да посака подобар татко.

Берани е суматрански орангутан и е татко за пример. Тој посветено се грижи за 2-годишната ќерка Церах, откако нејзината мајка ненадејно починала минатиот месец во зоолошката градина во Денвер, Колорадо.

Вработените во зоолошката градина велат дека Церах е среќна што има татко како Берани.

„Во дивината мажите орангутани не се дел од одгледувањето на младеничињата, па да се види како Берани се однесува како посветен родител е навистина ретка ситуација, Церах не можеше да посака подобар татко. Тој комплетно ја замени мајка ѝ“, велат од зоолошката во Денвер.

Тој ја носи наоколу, ја теши, ја заспива и ѝ помага околу сѐ.

Мајката на Церах, која ненадејно починала:

Фотографиите од овој посветен татко ќе ви го стопат срцето:

С. С. | Црнобело