11 вежби за истегнување за сите вкочанети (што работат пред компјутер)

Вежба бр. 6

Кога ќе ја повторите претходната вежба третпат, не се кревајте, туку полека сменете ја положбата - прво погледнете нанапред, а потоа преместете ги рацете напред.

Во оваа положба стапалата треба да ви бидат на ширина на рамената.

Нозете можат да бидат благо свиткани, а рацете и грбот треба да формираат права линија.

Вежба бр. 7

Клекнете и со рацете и нозете застанете на подот.

Дланките поставете ги во линија под рамената, прстите нека ви бидат широко раздвоени, а колената нека се под карлицата.

Полека издишувајте и во тоа време кревајте го грбот нагоре.

Кога ќе почнете да вдишувате, спуштете го грбот надолу.

Продолжете со оваа вежба во следните 30 секунди.

Вежба бр. 8

Останете на „сите четири“ и испружете ја левата рака под десната, така што ќе ја ставите легната на подот.

Истегнете ја левата рака колку што е можно нанапред, а со десната туркајте се од подот за да го поткренете телото нагоре (околу 30 секунди).

Додека го правите ова, главата и погледот нека ви бидат свртени кон таванот.

Повторете ја вежбата на другата страна.

Вежба бр. 9

Повторно вратете се во положба во која рацете и нозете ќе ви бидат на подот.

Испружете ги рацете напред и полека спуштајте ги градите на подот.

Истегнете се околу 40 секунди.

Вежба бр. 10

Седнете на подот и истегнете ги нозете напред.

Држете го грбот исправен и без да се подгрбавите, полека спуштете го телото над нозете.

Останете во оваа положба околу 1 минута.

Вежба бр. 11

Седнете на подот, удобно прекрстете ги нозете и кренете ги рацете така што ќе бидат паралелни со подот.

Полека и силно истегнете ги рацете напред, а потоа прегрнете се.

Вратете ги рацете во првобитната положба, а потоа фрлете ги наназад што е можно подалеку.

Повторете ја вежбата уште 3 пати.

А. Ј. | Црнобело