Трикови за слабеење кои звучат чудно, но се ефикасни (според експерти)

Кога не ви се вежба, направете неколку едноставни јога вежби

За многумина, најтешкиот дел од вежбањето е да се натераат да облечат хеланки и да почнат со вежбање.

Па, ако веќе сте во тренерки за по дома или пижами и никако не можете да се натерате да почнете со цел тренинг, направете неколку јога вежби.

Секако, едноставните јога вежби во пижами нема да бидат исто ефикасни како цел тренинг, но и тоа е подобро отколку да седите без никаква физичка активност.

Јадете во помали чинии

Ако јадете во помала чинија, количината храна што ќе ја ставите ќе ја перципирате како поголема порција.

А, според истражувањата, ова има психолошко влијание, односно мислиме дека сме изеле повеќе храна, па помала е веројатноста да посегнеме по уште една порција.

Сличен ефект ќе постигнете и ако ја исечете храната на помали парчиња и ја распоредите низ целата чинија.

Вака ќе ви изгледа како на чинијата да има повеќе храна, па најверојатно нема да посакате уште.

Водете дневник за вашата исхрана

Во овој дневник треба да го запишувате секој оброк и секоја ужина што сте ја изеле во текот на денот.

Кога ќе имате увид што точно сте јаделе секој ден, полесно ќе се убедите дека не ви треба уште еден ред чоколадо.

Јадете во црвени чинии

Според научниците, црвената боја ја перципираме како знак за опасност.

Па, храната во црвена чинија може да ни биде помалку привлечна и со тоа да изедеме помалку.

Спирова С. | Црнобело