6 едноставни вежби за совршен задник до лето (и за кои не треба опрема)

За да бидете во топ форма до лето, треба да почнете со вежбање уште сега.

Ако немате време за теретана или не ви се оди од некоја друга причина, секогаш можете да вежбате и дома.

Постојат безброј вежби за кои не ви треба никаква опрема, а со кои можете да постигнете одлични резултати.

Шест вежби кои ќе ви помогнат да го доведете задникот до совршенство додека да дојде лето:

Прва вежба

Застанете на сите четири, така што дланките ќе ви бидат во линија со рамената, а колената во линија со колковите

Исправете ја десната нога и придвижете ја кон десно што е можно повеќе.

Без да ја виткате, придвижете ја кон лево, па спуштете ја до земја (или колку можете) и вратете ја во почетната положба.

Направете 10 повторувања со десната, па уште 10 со левата нога.

Втора вежба

Повторно застанете на сите четири, во истата почетна положба како претходната вежба.

Испружете ја десната нога кон назад, да биде паралелна со подот, па малку свиткајте го коленото.

Држејќи го коленото свиткано, кренете ја ногата колку што можете повеќе, па спуштете ја што е можно пониско без да го допирате подот.

Направете 10 повторувања со десната, па уште десет со левата нога.

Трета вежба

Наједноставните чучнувања се идеална вежба за задникот, но и за нозете.

Застанете исправено со нозете во ширина на рамената.

Бавно клекнете, без многу да се наведнувате кон напред – положбата треба да ви изгледа како на фотографијата.

Не се форсирајте да клекнувате премногу. Па исправете се.

Направете 20 повторувања.

Четврта вежба

И ова вежба е слична на чучнувањата, само нозете ви се поставени поразлично.

Застанете исправено со споени нозе и испружете ги рацете кон напред.

Бавно клекнете колку што е можно подолу, без да паднете - слободно застанете и на прсти за да клекнете.

Исправете се и направете 10 повторувања.

Петта вежба

Уште една варијација на чучнувањата.

Застанете со раширени нозе и свртете ги стапалата кон надвор. Рацете можете да ги испружете пред вас или да ги ставите на половината.

Бавно клекнете, па исправете се.

Направете 20 повторувања.

Шеста вежба

Легнете на подот и поставете ги рацете покрај телото.

Свиткајте ги колената и доближете ги петите до задникот.

Потпирајќи се на рацете и стапалата, бавно кренете го задникот, па спуштете го.

Направете 15 повторувања.

Спирова С. | Црнобело