8 вежби со кои ќе го доведете телото во топ форма до лето

За да го затегнете телото и да изгледате совршено до лето, доволни ви се само овие осум вежби за кои не ви треба опрема, освен јаже за скокање.

Летото е речиси овде, но сепак имате доволно време да го затегнете телото и да се вратите во форма, а со тоа да го подобрите и здравјето.

Ако немате време за теретана, истиот ефект ќе го постигнете и со вежби кои се прават дома, без никаква опрема.

Осум вежби со кои ќе го доведете телото во топ форма за еден месец:

Прва вежба

Застанете со грбот свртен кон ѕид, навалете се на ѕидот и поставете ги нозете малку понапред. Клекнете така што колената ќе ви бидат свиткани под прав агол и ќе се потпирате на ѕидот со грбот.

Рацете треба да ви бидат поставени на половината, а стомакот затегнат. Држете ја положбата околу една минута, па направете уште две повторувања.

Втора вежба

Ова е всушност вежбата позната како планк која го зајакнува целото тело.

Застанете на сите четири, па потпрете се на лактите – треба да ви бидат веднаш под рамената. Испружете ги нозете кон назад и застанете на прстите.

Исправете го грбот, стегнете го стомакот и држете ја положбата што е можно подолго. Секој ден зголемувајте го времето за пет до десет секунди, додека не стигнете до една минута.

Трета вежба

Застанете во положба на планк, но наместо на лактите, потпрете се на дланките. Распоредете ја тежината на дланките и прстите од стапалата.

Дланките треба да ви бидат во ширина на рамената, грбот исправен и стомакот стегнат.

Едното колено доближете го што е можно повеќе до градите, па со брзо движење вратете ја ногата во почетната положба, а друга доближете ја до градите.

Направете десет повторувања.

Четврта вежба

Легнете на грб, исправете ги нозете, а дланките ставете ги на задниот дел од главата – како во положба за стомачни.

Подигнете го горниот дел од телото и во исто време допрете го левиот лакт со десното колено.

Со кружни движења на нозете, како да возите велосипед, наизменично допирајте ги спротивните лакт и колено.

Правете ја вежбата околу една минута.

Продолжува на следната страница...